Дар пойтахт ва дигар шаҳру навоҳии Тоҷикистон ба муносибати таҷлили ҷашни 69-умин солгарди Ғалаба дар Ҷанги Бузурги Ватанаӣ (ҶБВ) гузаштҳои низомӣ барпо намешаванд.
Тавре ба «Азия-Плюс» сардори маркази матбуоти Вазорати мудофиаи ҶТ Фаридун Маҳмадалиев хабар дод, субҳи рӯзи 9-уми май дар боғи Ғалабаи пойтахт ба хотири гиромидошти қурбониёни Ҷанги Бузурги Ватанӣ дар назди гулхани абадӣ маросими анъанавии гулчанбаргузорӣ аз ҷониби раҳбарияти Вазорати мудофиа доир мегардад.
«Дар маросими гулчанбаргузорӣ ҳамчунин падару модарони сарбозон ва афсарони гарнизони Душанбе, собиқадорон ва иштирокчиёни ҶБВ ва намояндагони аҳли ҷомеа низ ширкат меварзанд», – гуфт намояндаи Вазорати мудофиа.
Ба гуфтаи ӯ, пас аз маросими гулчанбаргузорӣ ва гузашти низомии дастаи қаровули фахрӣ наваскарони ду қисми низомии Артиши миллии Тоҷикистон дар ҳамин ҷо барои садоқат ба Ватан савганд ёд мекунанд.
