Сармураббии чемпиони амалкунандаи Тоҷикистон, дастаи футболи «Равшан»-и Кӯлоб Ғайраталӣ Мираҳмедов пас аз шикаст дар бозӣ бо дастаи «Хуҷанд» бо ҳисоби 2 бар 3 изҳор намуд, ки ба истеъфо меравад.
«Аввалан «Хуҷанд»-ро бо пирӯзи табрик мегӯям. Имрӯз мо бидуни ду футболбози асосиии даста бозӣ кардем, ки дар ҳайати дастаи мнутахаби наврасони Тоҷикистон дар мусобиқаи Ҷоми Каспий-2014 дар Боку ҳунарнамоӣ мекунанд. Имрӯз «Равшан» на камтар аз «Хуҷанд» лаҳзахои зиёди голзанӣ дошт, вале футболбозони ҷавон аз он истифода карда натавонистанд», – иброз доштааст ӯ ба сомонаи расмии Федератсияи футболи ҷумҳурӣ.
Ғ.Мираҳмедов зикр кардааст, ки «сарфи назар аз мушкилот, то лаҳзаи охир ҳамроҳи даста буда, расман изҳор мекунад, ки ба истеъфо меравад». «Ин қарори шахсии ман аст. Бо дастаи «Равшан» мо мавсимҳои хуберо гузаронида, ду маротиба пайи ҳам қаҳрамони Тоҷикистон шудем. Ба ҳамаи футболбозони таҳти раҳбарии ман бозикардаи даста миннатдорӣ изҳор намуда, дар бозиҳои минбаъдаи ҷемпионат бо роҳбарии сармураббии нав ба онҳо комёбиҳо хоҳонам», – изҳор кардааст самураббӣ.
