Кормандони Раёсати Вазорати корҳои дохилӣ дар нақлиёт рӯзи 4-уми июн сокини 32-солаи ноҳияи Ҳамадонӣ Миралӣ Давлатовро ба гумони даст доштан дар муомилоти ғайриқонунии маводи мухаддир боздошт карданд.
Бино ба иттилои сомонаи расмии ВКД ҶТ, дар вақти кофтукови шахсӣ аз ӯ 4 килою 005 грамм маводи нашъадори “афюн” дарёфт ва мусодира карда шудааст.
Гуфта мешавад, инчунин баъди гузаронидани чорабиниҳои иловагӣ, дар вақти азназаргузаронии автомашинаи тамғаи “Опел-Астра”, ки ба сокини дигари ноҳияи зикргардида шаҳрванди 38-сола Исмоилхон Ибронов тааллуқ дошт, аз дохили бордонаш 12 килою 205 грамм маводи нашъадори “ҳашиш” дарёфт ва мусодира карда шуд.
Зимнан зикр мегардад, ки нисбати далелҳои мазкур парвандаи ҷиноӣ оғоз карда шуда, тафтишот идома дорад.
