Моҳи майи соли равон мизони таваррум дар Тоҷикистон 0,6%-ро ташкил дод.
Бино ба маълумоти сомонаи Бонки миллии ҷумҳурӣ, аз оғози сол сатҳи таваррум дар кишвар ба 4,4% баробар шудааст.
Ёдрас мекунем, ки давоми моҳҳои январ-апрели соли 2014 сатҳи таваррум дар Тоҷикистон 3,7%-ро ташкил дода буд.
Ҳукумати Тоҷикистон ният дорад, ки сатҳи таваррум дар бахши истеъмолии кишвар дар соли равонро дар мизони 7,5% нигоҳ дорад.
Дар ҳамин ҳол, сатҳи таварруми соли гузашта дар ҷумҳурӣ сабтшуда – 3,7% аз ҳама пасттарин дар замони истиқлолияти кишвар мебошад. То ин замон сатҳи нисбатан пасти таваррум соли 2012 ба қайд гирифта шуда буд, ки 6,4%-ро ташкил дода буд.
