Соли равон дар Тоҷикистон 126,3 ҳазор ҷойҳои нави корӣ таъсис доданианд, ки нисбат ба соли гузашта 1,1% зиёдтар аст.
Тавре дар «Дурнамои нишондиҳандаҳои асосии макроиқтисодии Тоҷикистон барои солҳои 2014-206» дар ин робита зикр мегардад, афзоши ҷойҳои корӣ аз ҳисоби таъсиси корхонаҳои нав, коргоҳ ва дигар навъҳои истеҳсолот ба нақша гирифта шудааст.
Тибқи пешгӯиҳо, дар соли 2015 таъсиси 127,7 ҳазор ва соли 2016 таъсиси 127,3 ҷойҳои корӣ пешбинӣ мешавад.
Гуфта мешавад, шумори бекорони расман сабтшуда аз рӯйи натиҷаҳои соли равон бояд – 57 ҳазор, соли 2015 – 58,3 ҳазор ва соли 2016 – 59,5 ҳазор нафарро ташкил диҳад. Шумораи аҳолии машғули кор дар иқтисод аз рӯи натиҷаҳои соли ҷорӣ 2 млн. 506,7 ҳазор нафар пешбинӣ мегардад.
Қобили зикр аст, ки мутобиқи натиҷаҳои гузориши
Созмони байнулмилалии меҳнат (СБМ)
таҳти унвони «Тамомили ҷаҳонии бекорӣ-2014» (Global Unemployment trends 2014), сатҳи бекорӣ дар Тоҷикистон 10,8%-ро ташкил додааст. Соли 2012 ин нишондиҳанда ба 11% баробар буд. Мутобиқи гузориш, соли 2018 сатҳи бекорӣ дар Тоҷикистон то 10,4% поин меравад.
