Ҳафтаи ахир қурби доллари ИМА дар Тоҷикистон тадриҷан коҳиш ёфт.
Бино ба маълумоти Бонки миллии Тоҷикистон, қурби фурӯши 1 доллари ИМА дар бозор имрӯз дар минтақаҳо ба ҳисоби миёна 5,07 сомониро ташкил медиҳад, ки дар муқоиса бо аввали моҳи июн 05 дирам пасттар аст.
Ба иттилои манбаъ, қурби аз ҳама пасттарини фурӯши доллар дар шаҳрҳои Душанбе, Хуҷанд ва Хоруғ ба қайд гирифта шудааст, ки ба 5,05 сомонӣ баробар аст. Ин нишондиҳанда дар Қӯрғонтеппа – 5,08 ва Кӯлоб – 5,10 сомониро ташкил медиҳад.
Дар ҳамин ҳол, қурби расмии доллари ИМА, ки онро ҳамарӯза Бонки миллӣ муқаррар мекунад, айни замон 4,93 сомониро ташкил дода, дар муқоиса бо қурби бозор, баръакс аз аввали моҳ 2 дирам афзудааст.
Қурби миёнаи фурӯши евро дар Тоҷикистон дар қиёс бор доллари ИМА афзуда, феълан ба 6,83 сомонӣ барои 1 евро баробар аст. Аввали моҳ қурби он 6,90 сомониро ташкил медод.
Қурби фурӯши рубли русӣ дар бозор айни замон 1,46 сомонӣ (10 рубли русӣ)-ро ташкил дода, дар муқоиса бо аввали моҳ бетағйир боқӣ мондааст.
