Бар асари ҳодисаи нохуш дар ноҳияи Айнии вилояти Суғд як коргари ҶДММ «Кӯҳкан-Шахтёр» ба ҳалокат расид.
Тавре ба «Азия-Плюс» аз Раёсати ВКД Тоҷикистон дар вилояти Суғд хабар доданд, сокини 36-солаи ҷамоати Моғиёни ноҳияи Панҷакент ҳангоми иҷрои корҳои зеризаминӣ дар мавзеи Ҷиҷикрӯди ноҳияи Айнӣ миёни вагончаҳои ҳамлу нақли консентрат афтода, ҷароҳатҳои ҷисмонӣ мегирад.
Ба иттилои мнабаъ, коргарро ба дармонгоҳи пойтахт меоранд, вале аз ҷароҳатҳои бардошта ӯ ба ҳалокат расидааст. Аз рӯи ин далел тафтиш идома дорад.
