Кормандони Кумитаи давлатии амнияти миллии ҷумҳурӣ як гурӯҳи нашъаҷаллобонро дар шаҳри Душанбе, ки ба интиқоли маводи мухаддир аз Афғонистон ба Тоҷикистон ва минбаъд ба Русияву Аврупо машғул буданд, безарар гардониданд.
Тавре ба «Азия-Плюс» як манбаъ аз КДАМ Тоҷикистон хабар дод, дар ҷараёни амалиёт панҷ нафар аъзои гурӯҳи муташаккили ҷиноятпеша, ки ба ҳайати он як афсари нерӯҳои марзбонии ҷумҳурӣ низ шомил аст, боздошт шуда, аз нашъаҷаллобон 100 кило афюн ва 32 кило героин дарёфт ва мусодира шудааст.
Зимнан зикр гардид, ки нисбати боздоштшудагон аз рӯи якчанд моддаи Кодекси ҷиноии ҶТ парвандаи ҷиноӣ боз шуда, бинобар сабаби идомаи тафтишот, аз ифшои ному насаби онҳо худдорӣ карда мешавад.
