Душанбе. 30-уми июн. ОИ «Азия-Плюс»
– Пешвои Ҳизби наҳзати исломии Тоҷикисттн (ҲНИТ) Муҳиддин Кабирӣ тайи чанд муддат дар Русия қарор дошт.
Ӯ ин ҷо бо муҳоҷирони меҳнатии тоҷик мулоқот доир намуд.
Мавсуф изҳор дошт, ки чунин мулоқот дар назар набуд, зеро ӯ бояд дар конфронси байнулмилалӣ дар Маскав иширок мекард, вале лозим омад, ки бо ҳамватанонаш вохӯрад. «Ба меҳмонхона ҳамватанон хеле зиёд омаданд ва ман маҷбур шудам бо онҳо боздид кунам», – гуфт. М.Кабирӣ.
Ба гуфтаи ӯ, дар мулоқот беш аз 60 нафар намояндагони муҳоҷирони меҳнатии Тоҷикистон аз манотиқи гуногуни Русия ширкат варзиданд.
«Баъд аз мулоқот ба чунин хулоса расидам, ки ба як қатор минтақаҳои Русия баҳри вохӯрӣ бо ҳамватанони хеш сафар намоям, то бо зиндагӣ ва мушкилоти онҳо аз наздик ошно гардам», – гуфт М.Кабирӣ ва афзуд, ки ният дорад, нақшаи ин сафарро бо мақомоти расмии ҳукумати Русия ва Тоҷикистон мувофиқа кунад.
