Мувофиқи маълумоти охирин, шумораи қурбониёни садамаи автобуси мусофирбар дар Непал ба 47 нафар расид.
Бино ба иттилои сомонаи расмии телевизиони «Ҷаҳоннамо», ин маълумот баъди аз қаъри дарё берун овардани автобус интишор гардидааст.
Хотиррасон мешавад, ки рӯзи панҷшанбеи ҳафтаи гузашта дар минтақаи кӯҳии Ҷаяркоти Непал ронанда аз уҳдаи идораи автобус набаромада, ба дарё сарозер гардида буд. Он замон дар бораи ба ҳалокат расидани 24 нафар ва бедарак гардидани чанд тани дигар хабар дода буданд. Ба кормандони Хадамоти наҷотдиҳӣ муяссар шудааст, ки 10 нафарро наҷот диҳанд.
