Рӯзҳои 6-7-уми декабри соли ҷорӣ дар Маркази Исмоилияи шаҳри Душанбе Намоишгоҳи зимистонаи косибон баргузор гардида, рӯзи байнулмилалии маъюбон ҷашн гирифта мешавад.
Тавре аз Маркази фарҳангии «Бактрия» иттилоъ доданд, чорабинии мазкур ба беҳбуди сатҳи огаҳии қишри васеи аҳолӣ дар бораи дастовардҳое, ки метавон тариқи ҷалби бештари шахсони дорои имконияти маҳдуд ба бахшҳои гуногуни ҳаёти сиёсиву иҷтимоӣ ва иқтисодиву фарҳангии ҷомеа ба он ноил гардид, имкон фароҳам меорад.
Ба иттилои дастандаркорони чорабинӣ, таҷлили ҷашни Рӯзи байнулмилалии шахсони дорои имконияти маҳдуд бори нахуст дар Тоҷикистон ҳамроҳ бо Намоишгоҳи ҳамасолаи зимистонаи косибон баргузор мешавад.
Зимнан зикр гардид, ки намоишгоҳи дурӯза аз ҷониби Иттифоқи ҳунармандони Тоҷикистон дар ҳамдастӣ бо Cesvi ва ҳамоҳангсозии муштарак бо маркази «Бактрия» доир гардида, маҳсули ҳунари зиёда з 50 нафар косибони соҳибтаҷриба ба маърази тамошо гузошта мешавад. Ташаббуси мазкур аз ҷониби гурӯҳи иборат аз 21 созмонҳои маҳалливу байнулмилалӣ дастгирӣ ёфт.
