Дар шаҳри Женева мулоқоти вазири корҳои хориҷии Тоҷикистон Сироҷиддин Аслов бо иҷрокунандаи вазифаи директори генералии Шуъбаи швейтсарии СММ дар Женева Майкл Меллер баргузор шуд.
Бино ба маълумоти департаменти иттилооти Вазорати корҳои хориҷии ҶТ, зимни вохӯрӣ Сироҷиддин Аслов бо ишора ба саҳми арзандаи СММ дар таҳкими сулҳу амният дар арсаи байнулмилалӣ, ба идомаи аз ҷониби ин ниҳоди универсалӣ андешидани тадбирҳо ҷиҳати ҳалли масоили халъи силоҳ, ҳимоят ва ҳавасмандсозӣ аз риояи ҳуқуқи инсон изҳори умедворӣ намуд.
Гуфта мешавад, дар ҷараёни мулоқот ҷонибҳо ҳамчунин атрофи масъалаҳои ба эътидол овардани вазъ дар Афғонистон ва ҳамкории Тоҷикистон бо Гурӯҳи СММ оид ба муосидат ба Афғонистон табодули назар намуданд.
