Собиқ сардори Раёсати консулгарии Вазорати корҳои хориҷии Тоҷикистон Манучеҳр Маҳкам Маҳмудзода акнун ба Раёсати муносибатҳои байнулмилалии Прокуратури генералии кишвар роҳбарӣ мекунад.
Тибқи баъзе маълумот, Манучеҳр Маҳмудзода писари раиси Суди конститутсионии Тоҷикистон Маҳкамбой Маҳмудов аст.
Замоне,ки собиқ вазири корҳои хориҷии ҷумҳурӣ Ҳамрохон Зарифов ба ҳайси сафири Тоҷикистон дар ИМА фаъолият дошт, Манучеҳр Маҳмудзода консулгарии генералии Тоҷикистон дар Вашингтонро роҳбарӣ мекард. Сипас шуъбаи ҳалли масоили қаламрав ва марзии Вазорати мазкурро ба роҳбарӣ гирифта буд.
Моҳи декабри соли 2013 Маҳмудов ба ҷойи Ҷамолиддин Убайдуллоев, писари раиси шаҳри Душанбе Маҳмадсаид Убайдуллоев ба мансаби сардори Раёсати консулгарии ВКХ ҶТ таъин гардид. Замонҳои гуногун Раёсати консулгарии ВКХ Тоҷикистонро Баҳром Холназаров, ки тибқи баъзе маълумот язнаи президент аст (айни замон – сафири Тоҷикистон дар Қазоқистон) ва духтари президент Озода Раҳмон, ки аз соли 2009 ба ҳайси муовин ва аз соли 2013 ба сифати муовини аввали вазири корҳои дохилии ҶТ фаъолият мекунад, сарварӣ намудаанд.
