Иёлоти Муттаҳидаи Амрико ҷиҳати пайгирӣ аз ҷараёни интихоботи парлумонии Тоҷикистон, ки ба санаи 1-уми март таъин шудаанд, 44 нозир мефиристад.
Роҳбари дастгоҳи КМИР Тоҷикистон Абдуманнон Додозода ба «Азия-Плюс» дар ин робита иттилоъ дод, ки ҳайати нозирони ИМА иборат аз 44 нафар рӯзи 9-уми феврал дар Комиссияи марказии интихобот ва раъйпурсии ҷумҳурӣ расман ба қайд гирифта мешаванд.
Зимнан зикр гардид, ки то рӯзи душанбеи ҳафтаи оянда, 9-уми феврал КМИР Тоҷикистон дар маҷмӯъ 112 нафар намояндагони Дафтари институтҳои демократия ва ҳуқуқи башари Созмони амнияту ҳамкории Аврупо (ДИДҲБ/САҲА/), Ассамблеяи байнипарлумонии ИДМ, Созмони ҳамкории Шанхай ва ИМА-ро ба сифати нозирон расман сабти ном мекунад.
Додозода таъкид дошт, ки дар пайгирӣ (мониторинг)-и интихоботи парлумонии Тоҷикистон беш аз 500 нафар нозирони байнулмилалӣ аз созмонҳои ҷаҳониву минтақавӣ ва кишварҳои ҷудогона ширкат хоҳанд варзид.
