Вазорату идораҳои дахлдори кишвар ҷиҳати таъмини ҳаракати нақлиёт ва робита бо маркази маъмурии ВМКБ – шаҳри Хоруғ ҳамаҷониба тадбир меандешанд.
Бино ба маълумоти як манбаъ аз Кумитаи ҳоллатҳои фавқулода ва мудофиаи граждании назди ҳукумати ҶТ, айни замон дар макони фаромадани тармаҳо, ки ба ҳаракати нақлиёт дар самтҳои Душанбе – Хоруғ, Хоруғ – Мурғоб ва Хоруғ – Ишкошим монеъа эҷод карданд, техника ва кормандони Вазорати нақлиёти ҷумҳурӣ машғули коранд.
«Кормандони КҲФ ва МГшахсонеро, ки дар макони имконпазири тармафароӣ қарор доранд, ба ҷойҳои бехавф мекӯчонанд», – гуфт манбаъ.
Зимнан итминон дода шуд, ки давоми рӯз роҳсозон ва наҷотдиҳандагон ҳаракати нақлиёт ба самти Хоруғро таъмин мекунанд.
