Вазорати корҳои хориҷии Тоҷикистон ва барномаи рушди Созмони Милали Муттаҳид (БРСММ) ба амалисозии лоиҳаи «Мусоидат ба рушди ниҳодии ВКХ ҶТ – марҳидаи IV» оғоз мекунанд. Маросими имзои лоиҳа имрӯз дар Душанбе доир гардид.
Лоиҳаро вазири корҳои хориҷии Тоҷикистон Сироҷиддин Аслов ва ҳамоҳангсози доимии СММ, намояндаи доимии БРСММ дар Тоҷикистон Александр Зуев ба имзо расониданд. Баҳри амалисозии лоиҳаи мазкур БРСММ 200 ҳазор доллари ИМА маблағ ҷудо мекунад. Лоиҳа аз ҷониби ВКХ ҶТ дар ҳамдастӣ бо БРСММ амалӣ мешавад.
Зимни суханронӣ дар маросими мазкур С.Аслов қайд кард, ки лоиҳа дар доираи афзалиятҳои миллии Тоҷикистон таҳия шуда, ба дастовардҳои марҳилахои қаблӣ асос ёфтааст. «Ҳадафи аслии лоиҳа мусоидат ба таҳкими имконоти ниҳодии ВКХ ҶТ дар амалисозии сиёсати пурсамари хориҷии кишвар аст», – иброз дошт ӯ.
Вазир таъкид дошт, ки лоиҳа баҳри мусоидат ба беҳбуди сатҳи касбии дипломатҳои ҷавони тоҷик нигаронида шуда, дар доираи амалисозии он зиёда аз 70 нафар кормандони Вазорат бо давраҳои омӯзишии кӯтоҳмуҳлат ва миёнамуҳлати такмили ихтисос фаро гирифта мешаванд.
