Дабири кулли Созмони Аҳдномаи амнияти дастаҷамъӣ (СААД) Николай Бордюжа рӯзи 11 март бо сафари чоррӯзаи корӣ ба Тоҷикистон ташриф меорад. Дар ин бора департаменти иттилоооти Вазорати корҳои хориҷии Тоҷикистон хабар медиҳад.
Тавре ба «Азия-Плюс» як манбаъ аз ҳукумати ҷумҳурӣ дар ин робита иттилоъ дод, зимни сафар дабири куллии СААД-ро президенти Тоҷикистон Эмомалӣ Раҳмон, ки соли ҷорӣ раиси Шӯрои амнияти дастаҷамъии СААД аст, ба ҳузур мепазирад.
Ба иттилои манбаъ, зимни сафари Н.Бордюжа ба Тоҷикистон ба масъалаҳои амалисозии тавофуқоти қаблан ҳосилшуда дар доираи СААД оид ба таҳкими марзи Тоҷикистону Афғонистон ва нақшаи Тоҷикистон дар давраи расёсаташ дар Созмони мазкур таваҷҷуҳи хосса зоҳир хоҳад гардид.
