Мутобиқи фармони президенти Тоҷикистон Эмомалӣ Раҳмон аз 30 март, иҷлосияи нахустини Маҷлиси миллии Маҷлиси Олии Тоҷикистон даъвати панҷум санаи 17 апрели соли равон даъват карда мешавад.
Бино ба иттилои хадамоти матбуоти сарвари давлат, бо фармони дигари сарвари давлат, ҷаласаи муштараки Маҷлиси миллӣ ва Маҷлиси намояндагони Маҷлиси Олии Тоҷикистон низ санаи 17 апрел даъват карда мешавад.
Қобили зикр аст, ки маъмулан дар иҷлосияи нахусти палатаи болоии парлумони тозаинтихоб масъалаҳои тадорукотӣ, аз ҷумла интихоби раису муовинони ӯ, роҳбарони кумитаҳои дахлдор баррасӣ шуда, ҳамчунин тибқи анъана, дар иҷлосияи нахусти Маҷлиси миллӣ сарвари давлат иштирок ва назди аъзои он суханронӣ мекунад.
