Рӯзи 9 апрели соли 2015 муовини вазири корҳои хориҷии Тоҷикистон Низомиддин Зоҳидӣ муовини вазири тиҷорати Покистон Робина Атҳарро ба ҳузур пазируфт.
Бино ба иттилои Вазорати корҳои хориҷии ҶТ, дар мулоқот ҷонибҳо атрофи вазъи кунунӣ ва дурнамои муносибатҳои иқтисодӣ ва тиҷоратии ду кишвар табодули назар намуда, аҳамияти созишномаи сеҷонибаи транзитӣ байни Тоҷикистон, Афғонистон ва Покистонро, ки матни он алҳол дар Душанбе дар доираи ҷаласаи коршиносони се кишвар мавриди баррасӣ қарор гирифтааст, барои тақвияти тиҷорат дар минтақа таъкид карданд.
Гуфта мешавад, ҷонибҳо манфиатдории худро ба истифодаи иқтидорҳои мавҷуда ҷиҳати афзоиши ҳаҷми табодули мол миёни ду кишвари дӯст баён карданд.
