Қурби миёнаи рубли русӣ дар бозори асъори нақдии Тоҷикистон тайи ҳафтаи равон каме боло рафта, ба санаи 10 апрел 0,1119-0,1130 сомонӣ барои 1 рублро ташкил дод.
Қобили зикр аст, ки аввали ҳафтаи равон қурби миёнаи хариду фурӯши нақди рубли русӣ ба 0,0900-0,1000 сомонӣ баробар буд.
Бино ба маълумоти Бонки миллии Тоҷикистон, ин ҳафта қурби миёнаи амалиёт бо евро низ ба таври начандон назаррас боло рафта, рӯзи ҷумъаи ҳамин ҳафта 6,7210-6,7445 сомонӣ барои 1 евроро ташкил дод.
Гуфта мешавад, давоми ҳафта қурби доллари ИМА дар нуқтаҳои мубодилаи асъор бетағйир боқӣ монда, 6,2700-6,2900 сомонӣ (барои 1 $)-ро ташкил додааст.
