Созмони амнияту ҳамкории Аврупо (САҲА) бо дархости истирдод нашудани яке аз фаъолони «Гурӯҳи 24» Шабнам Худойдодоваи дар ин кишвар боздоштшуда муроҷиат намуд.
Бино ба иттилои ВАО, дар изҳороти худ аз 2 июл САҲА аз ҳукумати Тоҷикистон даъват ба амал овардааст, ки ӯхадориҳои назди ин созмон ба зимма гиритаашро пурра иҷро намояд. Дар изҳороти САҲА талаботи «боз кардани роҳи дидгоҳҳои алтернативӣ» дарҷ ёфтааст.
Моҳи октябри соли 2014 Тоҷикистон «Гурӯҳи 24»-ро ифротгаро эълон кард. Санаи 12 июни соли 2015 Худойдодова ба Беларус раҳсипор шуд, то ки ба дафтари кории Раёсати Комиссари Олӣ оид ба гурезагони СММ барои дарёфти мақоми гуреза муроҷиат кунад.
Рӯзи 15 июн зимни убури марзи Русия ва Беларус шаҳрванди Тоҷикистон Шабнам Худойдодова
ба ҳабс гирифта шуд.
Дар ин бора дар
блоги Надежда Атоева
, президенти Иттиҳодияи «Ҳуқуқи инсон дар Осиёи Марказӣ» хабар дода шуда буд.
Шабнам Худойдодова пас аз истирдоди Мақсуд Иброҳим, пешво ва муассиси созмони «Ҷавонони Тоҷикистон барои эҳёи Тоҷикистон», узви роҳбарияти нерӯҳои мухолифини «Тоҷикистони нав», ки «Гурӯҳи 24» низ ба он шомил аст, мавриди ҷустуҷӯ эълон шуд.
«Моҳи январи соли 2015 дар манзили Шабнам Худойдодова кофтуков гузаронида шуда, модар ва шахсонеро, ки ӯ дар Тоҷикистон бо онҳо муносибат дошт, бозпурсӣ карданд. Солҳои ахир Шабнам Худойдодова дар Русия иқомат дошт. Чанде қабл ӯ огоҳ гардид, ки дар Русия ба рабуданаш омодагӣ мегиранд. Ин ташвишҳо асос доранд: соли ахир ҷонибдорони «Гурӯҳи 24»-ро чандин маротиба рабуда, пешвои он Умаралӣ Қувватов дар Истамбул кушта шуд», – зикр мегардад дар блоги ҳомии ҳуқуқ.
Рӯзи 20 июн хабаргузории беларусии
БЕЛТА
иттилоъ дод, ки масъалаи истирдоди Шабнам Худойдодова ба ватан
мавриди ҳаллу фасл қарор дорад.
Дар маълумоти хабаргузорӣ бо истинод ба хадамоти матбуоти гурӯҳи марзбонон дар нуқтаи байнулмилалии роҳи оҳани «Брест» қайд шуда буд, ки кормандони ин нуқтаи марз шаҳрванди Тоҷикистонро, ки мавриди ҷустуҷӯи байнидавлатӣ қарор доштааст, ошкор кардаанд.
