Дар ҷараёни чорабиниҳои оперативӣ-ҷустуҷӯӣ рӯзи 7 июл кормандони милитсия дар дидбонгоҳи воқеъ дар деҳаи Зиғари ноҳияи Дарвоз автомашинаи тамғаи «Тойота-Ланкрузер» таҳти идораи ронанда, марди 31-солаи сокини ноҳияи Дарвоз боздошт намуданд.
Бино ба иттилои маркази матбуоти ВКД Тоҷикистон, ҳангоми кофтукови шахсӣ аз дохили кисаи шими мусофири автомашинаи мазкур, марди 29-солаи сокини ноҳияи Шуғнон 965 грамм маводи нашъадори сахттаъсири героин дарёфт ва мусодира карда шудааст.
Гуфта мешавад, дар робита ба ин парвандаи ҷиноятӣ оғоз гардида, тафтишот идома дорад.
