Ҳизби халқии демократии Тоҷикистон аз ҷонибдорони худ даъват кард, ки ҳамаҷониба ба аҳолии аз обхезӣ осебдидаи Вилояти Мухтори Кӯҳистони Бадахшон кумак кунанд.
Сухангӯи ҲХДТ Усмон Солеҳ ба «Азия-Плюс» дар ин робита иттилоъ дод, ки муовини аввали раиси ҲХДТ Саидмурод Фаттоҳзода ба бахшҳо ва ҷонибдорони ҳизб дар тамоми минтақаҳои кишвар дастур додааст, ки мувофиқи имкон барои мардуми аз офати табиӣ осебдида хаймаҳову маводи ғизойӣ ҷамъоварӣ намоянд.
Ба иттилои манбаъ, бахши ҳизб дар вилояти Хатлон беш аз 10 ҳазор сомонӣ маблағ ҷамъовари намуда, ба аҳолии осебдидаи ВМКБ фиристодааст.
Зимнан зикр гардид, ки бахшҳои ҳизб дар минтақаҳои ҷумҳурӣ ва Кумитаи иҷроияи марказии ҲХДТ ба Бадахшон хаймаҳо, маҳсулоти ғизойӣ ва дигар воситаҳои зарурати аввалия барои мардуми осебдидаро мефиристанд.
