Рӯзи 9 сентябр дар натиҷаи гузаронидани чорабиниҳои оперативӣ-ҷустуҷӯӣ аз ҷониби кормандони Раёсати мубориза бар зидди ҷиноятҳои муташаккили ВКД дар якҷоягӣ бо кормандони Прокуратураи шаҳри Душанбе, директори ҶДММ “Инсоф-2010”, марди 34-солаи сокини шаҳри Душанбе, ба гумони саркашӣ аз супоридани андозҳо дастгир гардид.
Бино ба маълумоти маркази матбуоти ВКД Тоҷикистон, муайян карда шудааст, ки номбурда аз санаи 1-уми январ то моҳи июни соли 2015 тавассути сарҳади гумрукӣ аз Ҷумҳурии Ҳиндустон маҳсулоти гуштиро ворид намуда, онро ба фурӯш бароварда, аз пардохти андозҳо ба миқдори 501000-сомонӣ саркашӣ намудааст.
Гуфта мешавад, нисбати дастгиршуда парвандаи ҷиноятӣ оғоз гардида, тафтишот дар ин самт идома дорад.
