Дар доираи амалисозии марҳилаи дуюми амалиёти “Кӯкнор-2015”кормандони Раёсати Агентии назорати маводи нашъаовари назди Президенти Ҷумҳурии Тоҷикистон дар вилояти Суғд дар канори роҳи ҷамоати деҳоти Ғозиёни ноҳияи Бобоҷон Ғафуров ба миқдори 11 ҳазору 543 бех ниҳоли банги худрӯйро ошкор намуданд.
Бино ба маълумоти сомонаи расмии Агентӣ, дар ҳузури комиссия аз ҳисоби кормандони мақомоти салоҳиятдор ва мутахассисони соҳаи кишоварзӣ ниҳолҳои ошкоршуда бо роҳи сӯзонидан несту нобуд карда шуданд.
