Ҳайати Тоҷикистон дар кори Форуми даҳуми зиёиёни илмӣ ва эҷодкори кишварҳои узви ИДМ, ки рӯзҳои 22-23 октябр дар шаҳри Остона доир мегардад, иштирок мекунад.
Чорабинии мазкур бо дастгирии Фонди байнидавлатии ҳамкории гуманитарии кишварҳои узви ИДМ ва Пажӯҳишгоҳи фарҳанги Қазоқистон доир мегардад.
Дар кори форум беш аз 200 нафар намояндагони Арманистон, Озарбойҷон, Беларус, Қирғизистон, Молдова, Тоҷикистон, Туркманистон, Ӯзбекистон, Русия ва Қазоқистон ширкат меварзанд.
Форум ба мавзӯи «Паҳнои гуманитарии Иттиҳод: арзишҳои умумӣ ва муколамаи фарҳангҳо» бахшида шуда, ба масъалаи омодагии муштарак ба эълони Соли маориф дар паҳнои ИДМ дар соли оянда таваҷҷуҳи хосса зоҳир хохад шуд.
Дар доираи кори форум ҳамчунин маросими тақдими ҷоизаҳо ба ғолибони озмуни байнулмилалӣ миёни ҷавонон «Иттиҳоди қадамҳои аввал (дебютҳо)» низ доир мегардад.
