Ахири ҳафтаи сипаришуда кормандони милитсия марди 51-солаи истиқоматкунандаи шаҳри Душанберо ба гумони муомилоти ғайриқонунии моддаҳои психотропӣ дастгир карданд. Боздоштшуда қаблан низ бо моддаи 201 КҶ ҶТ (Муносибати ғайриқонунӣ бо воситаҳои нашъадор ё моддаҳои психотропӣ) суд шудааст.
Бино ба иттилои дафтари матбуоти ВКД Тоҷикистон, дар вақти кофтукови автомашинаи шахсиии номбурда тамғаи “Лексус”, 8-адад ҳабҳои рангашон зард дарёфт ва мусодира гардидааст.
Гуфта мешавад, ташхис нишон додааст, ки ҳабҳои дарёфтшуда ба маводи психотропии МДМА – «эстази» мансуб буда, вазнашон 1,9554-граммро ташкил медиҳад.
Зимнан зикр мегардад, ки нисбати далели мазкур парвандаи ҷиноятӣ оғоз шуда, тафтишот дар ин самт давом дорад.
