Бар асари зарбаҳои ҳавоии ИМА пойгоҳи шабакаи радиои «Давлати исломӣ» (ДИ) – «Садои халифат» дар Афғонистон нобуд карда шуд.
Бино ба маълумоти ҳукуматдорони Афғонистон, шабакаи радиои «Садои халифат» (Voice of the Caliphate), ки ба таблиғи афкори ифротгароӣ машғул буд, рӯзи 1 феврал дар натиҷаҳои зарбаҳои ҳавии ИМА хароб карда шудааст.
Ба қавли сокинони маҳаллии вилояти Нангарҳор, айни замон пахши барномаҳои ин шабакаи радио қатъ шудааст.
Қобили зикр аст, ки 1 феврал аз ҷониби низомиёни ИМА ба мавқеъҳои ҷангиёни «Давлати исломӣ» дар шарқи Афғонистон зарбаҳои ҳавоӣ сурат гирифта, як мушак ба пойгоҳи шабакаи радиои мазкур бархӯрдааст.
