Суди ноҳияи Октябри шаҳри Владимир даъвои прокурори шаҳрро оид ифротгароӣ эътироф намудани маводи дар шабакаи Интернет интишоршудаи «Popeye Mosh Crew», «xWhite Brothersx», «О Умма! Проснись!», наворҳои видеоии «Камандир амон таджикистан», «Точики мучохидин», «Истинный мусульманин генерал», «Сирия Халифат. Победа Близка», «Мощное дуа Мухаммада Люхайдана за муджахидов», «Россия» под музыку Коловрат – Слава России!..» қонеъ намуда, паҳн кардани онҳо ва ҳамчунин дубора истеҳсол ё нигаҳдории онҳо бо мақсади таблиғ дар қаламрави Русияро манъ кард. Дар ин бора портали хабаргузории Новости 33
иттилоъ медиҳад.
Гуфта мешавад, ин даъво бар асоси натиҷаҳои санҷиши прокурорӣ, аз ҷумла хулосаҳои ташхис ва таҳқиқ пешниҳод шуда, коршиносони соҳаи забоншиносӣ эътироф кардаанд, ки ин мавод дорои аломатҳои ифротгароӣ, намоиши рамзҳои манъшуда, даъватҳо ба амалисозии фаъолияти ифротгароӣ ва террористӣ мебошад.
Зимнан зикр мегардад, ки пас аз эътибори қонунӣ пайдо кардани ҳукми суд, нусхаҳои мавод ҷиҳати бо тартиби муқарраршуда ба феҳристи федералии маводи ифротгаро шомил кардан ба Вазорати адлияи Русия ирсол мегардад.
Ёдрас мекунем, ки фармондеҳи ОМОН ВКД Тоҷикистон полковник Гулмурод Ҳалимови 40-сола ахири моҳи апрели соли 2015 бедарак шуд. Ӯ дар ҷойи кор пайдо нашуда, макони будубошаш ҳам ба касе маълум набуд. Расо баъди як моҳ полковник аз худ дарак дод. Дар шабака навори видеоии 12-дақиқаинаи муроҷиати Ҳалимов бо забони русӣ интишор шуд.
Дар ин навор
ӯ ҳикоят кард
, ки ба нишони эътироз алайҳи тарзу усулҳои кор дар ВКД ба сафи «Давлати исломӣ» пайвастааст. Ӯ ҳамчунин доир ба омодагӣ ва омӯзишаш дар давраҳои таълимӣ дар ИМА низ маълумот дода буд.
Қобили зикр аст, ки нисбат ба полковник дар Тоҷикистон мутобиқи якчанд моддаи Кодекси ҷиноӣ парвандаи ҷиноӣ боз шуда, ӯ ба ҷустуҷӯи байнулмилалӣ эълон шудааст.
