Президенти Тоҷикистон Эмомалӣ Раҳмон ба Маҷлиси намояндагони Маҷлиси Олии Тоҷикистон оид ба таъини Раҷабмоҳ Бадриддинова ба вазифаи Ваколатдор оид ба ҳуқуқи кӯдакон – муовини Ваколатдор оид ба ҳуқуқи инсон (Омбудсмен) дар Тоҷикистон пешниҳод ирсол кард.
Котиби матбуотии палатаи поёнии парлумони ҷумҳурӣ Муҳаммадато Султонов ба «Азия-Плюс» дар ин робита иттилоъ дод, ки дар ҷаласаи навбатии Шӯрои Маҷлиси намояндагон, ки имрӯз доир мегардад, ин масъала баррасӣ хоҳад шуд. Раҷабмоҳ Бадриддинов айни замон дар дастгоҳи Ваколатдор оид ба ҳуқуқи инсон (Омбудсмен) дар Тоҷикистон машғули кор аст.
Ғайр аз ин, президенти мамлакат аз вакилон дархост кардааст, ки барои таъини Азими Зафар ба вазифаи муовини раиси Палатаи ҳисоби Тоҷикистон розигӣ диҳанд.
