Ду нафар марди 29-солаи сокинони ноҳияи Бобоҷон Ғафуров ҳамчун гумонбар дар муомилоти ғайриқонунии моддаҳои сахттаъсир ё заҳролуд дастгир карда шуданд.
Бино ба иттилои маркази матбуоти ВКД Тоҷикистон номбурдагон бо маслиҳати пешакӣ рӯзи 21 май дар назди яке аз нуқтаҳои фурӯши сӯзишворӣ, воқеъ дар ҳудуди ҷамоати деҳоти Исфисори ноҳияи мазкур моеъи ҷилодиҳандаи нуқрагинро ба маблағи 500 доллари амрикоӣ фурӯхтаанд.
Гуфта мешавад, мувофиқи маълумотномаи ташхисӣ, моеъи мазкур маводи заҳролудкунандаи навъи “симоб” буда, вазнаш 16-килою 150-граммро ташкил медиҳад.
Зимнан зикр мегардад, ки нисбати далели мазкур парвандаи ҷиноятӣ оғоз гардида, тафтишот дар ин самт давом дорад.
