Нозирон аз Тоҷикистон дар мониторинги байнулмилалии ҷараёни омодагӣ ва баргузории интихоботи парлумонӣ дар Белорус, ки ба санаи 11 сентябр таъин шудааст, иштирок мекунанд.
Аз Комиссияи марказии интихобот ва раъйпурсӣ (КМИР)-и Тоҷикистон ба «Азия-Плюс» дар ин робита иттилоъ доданд, ки аз Кумитаи иҷроияи ИДМ дар ин хусус ба КМИР Тоҷикистон даъватномаи расмӣ расида, нозирони Тоҷикистон ба ҳайати нозирони ин ниҳод шомил карда мешаванд.
«Шомил гардидани нозирони Тоҷикистон ба ҳайати мушоҳидони Ассамблеяи байнипарлумонии ИДМ ва Дафтари институтҳои демократӣ ва ҳуқуқи башари Созмони Амният ва Ҳамкорӣ дар Аврупо (ДИДҲБ/САҲА) низ аз эҳтимол дур нест», – гуфт манбаъ.
Зимнан зикр гардид, ки аввали моҳи август ҳайати шахсии нозирони Тоҷикистон дар интихоботи парлумонии Беларус муайян карда мешавад.
