КВД «Роҳи оҳани Тоҷикистон» қатораи дизелӣ хариданист, ки ба сифати қатораи мусофиркаш дар хатсайрҳои маҳаллӣ ва наздишаҳрӣ истифода мешавад.
Аз КВД «Роҳи оҳани Тоҷикистон» ба «Азия-Плюс» дар ин робита иттилоъ доданд, ки ин қатора ояндаи наздик харидорӣ шуда, барои мусофиркашонӣ тариқи роҳи оҳани Душанбе – Қурғонтеппа – Кӯлоб, ки моҳи сентябри соли равон мавриди баҳрабардорӣ қарор мегирад, истифода шуда метавонад.
Таъкид шуд, ки ҳамчунин дастрасии тепловози тамғаи Evolution низ ба нақша гирифта шудааст, ки рӯзҳои ҷашни 25-умин солгарди Истиқлолияти давлатӣ ба ҷумҳурӣ оварда мешавад. «Бо харидории воситаҳои зикршуда шароити мусофиркашонӣ беҳтар хоҳад шуд», – афзуд манбаъ.
Қобили зикр аст, ки айни замон айни замон техникаву таҷҳизот ва воситаҳои нақлиёт (парк)-и КВД «Роҳи оҳани Тоҷикистон» аз 2 ҳазору 70 вагонҳои боркаш, 421 вагонҳои мусофиркаш ва ҳамчунин 53 тепловоз иборат аст.
Қатораи дизелӣ яке аз шаклҳои ҳайати қатораҳои муҳаррикии дизелӣ буда, аз муҳаррикҳои дизелӣ энергия мегирад.
