Тӯли 7 моҳи соли 2016 ҳаҷми муомилоти моли хориҷии Тоҷикистон ҳудуди 2 млрд. 218 млн. доллари ИМА-ро ташкил дод, ки нисбат ба ҳамин давраи соли 2015 ба андозаи 8,1% ё худ 56,6 млн. доллари ИМА камтар аст.
Тавозуни савдо дар ин давра манфӣ буда, беш аз 1 млрд. 203 млн. доллари ИМА-ро ташкил додааст.
Ҳаҷми содироти мол давоми 7 моҳи соли ҷорӣ 507,2 млн. доллари ИМА-ро ташкил додааст, ки дар муқоиса бо ҳамин давраи соли 2015 ба миқдори 39 млн. доллари ИМА ё худ 7,2 % камтар аст.
Ҳаҷми воридоти мол дар ин давра ба беш аз 1,7 млрд. доллари ИМА баробар шудааст, ки нисбат ба 7 моҳи соли гузашта ба андозаи 8,4% ё худ 156,2 млн. долллари ИМА камтар мебошад.
Давоми моҳҳои январ-июли соли ҷорӣ Тоҷикистон бо 101 кишвари дунё муомилоти молӣ анҷом додааст. Шарикони асосии тиҷоратии Тоҷикистон дар ин давра Русия (беш аз 578 млн. $), Чин (қариб 545 млн. $), Қазоқистон (354,7 млн. $) ва Туркия (174,4 млн. $) дониста шудаанд.
