Суди вилояти Суғд сокини 71-солаи ҷамоати Лоҳутии шаҳри Конибодом Деҳқон Норматовро барои қатли бераҳмонаи ҳамсояи 66-солааш Пӯлод Тоҷибоев ба 20 соли зиндони низомаш шадид маҳкум кард.
Судяи суди вилоят, ҳамзамон раиси мурофиаи мазкур Фирӯза Аҳмадзода дар ин робита иттилоъ дод, ки маҳкумшуда бо сабаби адовати шахсӣ 17 июли соли 2016 ҳангоми назди дарвозааш кор кардани ҳамсояаш бо милтиқи шикорӣ ва корди хоҷагӣ назди ӯ баромада, ба сӯи ӯ тир мепарронад, вале тираш хато рафта, дар вақти кӯшиши дубора тир холӣ кардан, ҳамсояаш белро ба сӯи ӯ мепартояд, ки дар натиҷа милтиқ аз дасташ меафтад.
«Сипас Норматов бо корд ба ҳамсояаш ҳамла намуда, ба ӯ чандин зарба мезанад, ки бар асрари он Пӯлодҷон Тоҷибоев ҷароҳатҳои вазнини ҷисмонӣ бардошта, дар роҳ ба бемористон ба ҳалокат мерасад», – иброз дошт судя.
