Президенти Тоҷикистон Эмомалӣ Раҳмон дар бораи соли 2017-ро дар Тоҷикистон эълон кардани Соли ҷавонон фармон ба имзо расонид. Фармони мазкур дар сомонаи расмии сарвари давлат интишор шудааст.
Сарвари давлат ба Дастгоҳи иҷроияи Президенти ҶТ дастур додааст, ки дар муҳлати як моҳ нақшаи чорабнниҳоро оид ба иҷрои Фармони мазкур таҳия ва барои тасдиқ пешниҳод намояд.
Қобили зикр аст, ки ҳанӯз 22 декабри соли гузашта сарвари давлат зимни ироаи паём ба парлумон пешниҳод карда буд, ки соли 2017 Соли ҷавонон эълон шавад.
