Собиқ президенти ИМА Барак Обама пас аз мансаби президентӣ рафтан бори нахуст миёни мардум суханронӣ кард. Ӯ бо донишҷӯёни донишгоҳи Чикаго вохӯрда, доир ба мушкилоти соҳаи маориф ва нақшаҳои минбаъдаи худ ба онҳо изҳори назар кард.
Хабаргузории РБК бо истинод ба Associated Press дар ин робита иттилоъ медиҳад, ки собиқ президенти ИМА дар ин суханронии худ гуфтааст, ният дорад, ки бо ҷавонон машғули кор бошад.
Ӯ таъкид доштааст, ки дар соҳаҳое чун ислоҳоти мақомоти судӣ ва маблағгузорӣ ба сиёсат фаъолият карданист.
«Ин чизест, ки ба мо барои муқовимат ба таҳдидҳо ва даст ёфтан ба пешрафт дар сиёсат ва ҳаёти ҷамъиятӣ монеъа эҷод мекунад», – иброз доштааст ӯ. – Аз ҳама чизи асосӣ ва муҳимеро, ки ман анҷом дода метавонам, кумак ба омода кардани сарварони насли нав мебошад, то ки онҳо корро дар ин ҷаҳони тағйирёбанда қабул кунанд».
Зимнан зикр мегардад, ки дар ин суханронии худ президенти 44-уми ИМА ягон маротиба номи президенти амалкунандаи кишвараш Доналд Трампро ба забон наовардааст.
