Дабири кулли Созмони Милаи Муттаҳид Антониу Гуттериш нимаи моҳи июн ба кишварҳои минатқаи Осиёи Марказӣ сафар анҷом медиҳад. ВАО-и Ӯзбекистон бо такя ба гуфтаҳои роҳбари Маркази минтақавии СММ оид ба дипломатияи боздоранда дар Осиёи Марказӣ Петко Драганов дар ин бора маълумот додаанд.
Ба гуфтаи ӯ, маркази таҳти раҳбариаш қарордошта ташаббускори сафари Дабири кулии СММ ба ҳамаи панҷ кишвари минтақаи Осиёи Марказӣ мебошад, «то ки ба мушкилоти минтақа дар сатҳи ҷаҳонӣ бештар таваҷҷуҳ зоҳир шавад».
«Ин гувоҳи таваҷҷуҳи зиёди раҳбарияти СММ ба минтақа ва омодагӣ ба мусоидат дар ҳалли масъалаҳои мавҷуда мебошад», – иброз доштааст дипломат.
Драганов қайд кардааст, ки тӯли давраи сипаришуда Марказ оид ба масъалаҳои муҳими таъмини амнияти минтақавӣ даҳҳо семинару мизҳои гирди байнулилалӣ доир намуда, ҳамчунин дар соҳаи дипломатияи боздоранда беш аз 1 ҳазор нафар мутахассисон омода кардааст.
«Дар пойтахтҳои кишварҳои Осиёи Марказӣ ва дигар давлатҳо садҳо марҳилаҳои гуфтушунид баргузор гардиданд, ки ба рафъи ихтилофҳо ва наздикшавии мавқеъҳо нигаронида шуда буданд», – гуфтааст раҳбари Марказ.
