Дар намоишгоҳи Қазоқистон дар Душанбе хусусиятҳои автомашинаи барқӣ (кроссовер) муаррифӣ гардид. Лекин нархаш баланд – 33 ҳазор доллар аст.
Директори ҶС «Группа Компаний «Аллюр» (Қазоқистон) Ирина Миронова мегӯяд, корхонаи онҳо яке аз бузургтарин корхонаҳои автомбилбарорӣ дар Қазоқистон буда, ба содирот машғул аст.
«Айни замон бо дастгирии ҶС «Ширкати содиротии суғурта «KazakhExport» фурӯши маҳсулоти мо дар Тоҷикистон ва Русия ба роҳ монда шудааст», – иброз дошт ӯ.
Ба гуфтаи номбурда, моҳи майи соли 2017 онҳо бо ҶСП «Холдинг Азия Групп Тоҷикистон» ҷиҳати таҳвили автомобилҳои тамғаи JAC-и истеҳсоли корхона ёддошт ба имзо расонда буданд.
ИЗОБРАЖЕНИЕ
«Имрӯз ин автомашинаҳо муваффақона ба сифати такси кор карда, дар бозори Тоҷикистон худро хуб нишон доданд. Аз ин рӯ, ба афзоиши содирот кӯшиш ба харҷ медиҳем», – қайд кард Миронова.
Мухтасар доир ба хусусиятҳои автомашина (кроссорвер): захираи ҳаракат – 280 км, вақти 100% ғизо гирифтан – 7 соат, суръати ниҳоӣ – 130 км/соат. Намуди зоҳириаш хеле зебо аст. Лекин нархаш баланд аст, ҳарчанд сарфа аз бензин ҷолиб мебошад, зеро JAC iEV7S аз розеткаи одии 220 В 400 Гц ғизо мегирад.
Хабарҳои моро дар Telegram пайгирӣ намоед, ба шабакаи мо бо суроғаи https://t.me/asiaplus ҳамроҳ шавед.
