Бар асари фаромадани тарма падару писар, сокинони ноҳияи Ишкошими ВМКБ ҳалок шуданд.
Мафтулбек Музофирбекови 40-сола ва падари ӯ – Ақризобек Музофирбекови 64-сола нимаи дуюми рӯзи 17 январ ҳангоми тозакунии роҳи Хоруғ – Ишкошим аз барф зери тарма монданд, хабар дод ба “Азия-Плюс” котиби матбуотии Кумитаи ҳолатҳои фавқулода ва мудофиаи граждании назди ҳукумати Тоҷикистон Умеда Юсуфӣ.
Ҷасади Музофирбекови ҷавон аз зери тарма берун оварда шуда, ҷустуҷӯи ҷасади падари ӯ идома дорад.
Як рӯз пеш дар қаламрави ноҳияи Ванҷ 5 нафар сокинони маҳаллӣ зери тарма монданд. Ҳодисаи тармафароӣ дар роҳи байни деҳаҳои Мотравн ва Жамаги ҷамоати Язгулом рух додааст. Мақомоти маҳаллӣ хабар доданд, ки чор нафари онҳо наҷот дода шуда, ҷустуҷӯи як каси дигар аз зери тарма идома дорад.
Бо мо дар Telegram, Facebook, Instagram, Viber, Яндекс.Дзен, OK ва Google Новости бимонед.
