Дар вохӯрии раҳбарияти Палатаи савдо ва саноати Тоҷикистон бо президенти ширкати Amicus Enterprises Ҷаҳонгир Баҷва ва президенти ширкати Repro KRC (Pvt) Ltd Парвиз Шафқат Алӣ аввали ҳафтаи равон дар Душанбе пешниҳод бобати дар Тоҷикистон таъсис додани корхонаи истеҳсоли таҷҳизоти тиббӣ баррасӣ шуд.
“Ҷаҳонгир Баҷва пешниҳод кард, ки дар қаламрави Тоҷикистон корхонаи истеҳсоли таҷҳизоти тиббӣ, аз ҷумла парда (навор, плёнка)-и рентгенӣ ва асбобҳои ҷарооҳӣ таъсис дода шавад, ки ҷиҳати камшавии хароҷот барои воридоти ин таҷҳизот ва имкони содироти он ба кишварҳои ҳамсоя шароит фароҳам меорад”, – хабар медиҳад дафтари матбуоти Палатаи савдо ва саноати Тоҷикистон.
Ширкати Amicus Enterprises яке аз ширкатҳои маъруфи истеҳсолкунандаи асбобҳои тиббии ҷарроҳӣ дар Покистон ба шумор меравад.
Ба истеҳсоли ин гуна маҳсулот шират аз соли 1970 машғул буда, аз соли 1982 онро ба бозорҳои байнулмилалӣ содирот мекунад.
Ширкати Repro KRC ба тайёр кардани пардаҳо (навор, плёнка)-и рентгении тиббӣ ва саноатӣ, пардаҳо барои тасвирҳои графикӣ ва бадеӣ ва ғайра машғул аст. Ширкат соли 1996 таъсис ёфтааст.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
