Як ҷӯгизан аз Тоҷикистонро, ки барои талбандагӣ дар оромгоҳи шаҳри Екатеринбург боздошт шуд, аз ҳисоби маблағҳои ҷамъовардаи диаспораи тоҷикон бо панҷ нафар кӯдаконаш ба Тоҷикистон хориҷ карданд, хабар медиҳад Фергана.
Кормандони мақомоти пулиси шаҳри Екатеринбург дар оромгоҳи микрорайони Химмаш занеро боздошт намуданд, ки ҳамроҳи панҷ нафар кӯдаконаш, ки духтарчаи хурдиаш акнун 6-рӯза шуда буд, талбандагӣ мекард.
Зан ҳуҷҷат надошт, аз ин рӯ ӯро дар Маркази қабулгоҳи муваққатии шаҳрвандони хориҷӣ ҷой доданд, қайд мекунад нашрияи Eanews.
Мувофиқи қонунҳои Русия, муҳоҷирони ҳузурашон ғайриқонунӣ аз ҳисоби буҷети Русия ба кишварҳояшон хориҷ карда мешаванд. Ин корро Хадамоти федералии судиҷрочиён ба анҷом мерасонад. Лекин бо гузашти як моҳ аз боздошт низ зан дар қабулгоҳ нигаҳдорӣ мешуд.
Тибқи маълумоти Eanews, ба таъхир афтодани ихроҷ ба баста шудани суратҳисобҳо баъди ҳабси муовини сардори Раёсати Хадамоти федералии судиҷрочиён дар вилояти Свердловск вобаста будааст.
Замони дар қабулгоҳ қарор доштани зан намояндагони диаспора, ҳомиёни ҳуқуқ ва ҳайати кормандони ваколатдор оид ба ҳууқуқи инсон Татяна Мерзлякова ба аёдати ӯ меомаданд. Ба ин оила бо сарулибос ва ғизо барои кӯдак кумак мекарданд. Бо талошҳои муштараки диаспораи тоҷикон ва ташкилоти ҳомии ҳуқуқи «Межнациональный информационный центр» (Марказибайнулмилалии иттилоотӣ) ба харидани билет ба Тоҷикистон баои ин зан маблағи зарурӣ ҷамъоварӣ шуд.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
