Имрӯз, 8 август соати 05:45 дақиқа бо вақти Душанбе дар қаламрави Тоҷикистон заминларза эҳсос шуд.
Тавре ба “Азия-Плюс” аз Хадамоти геофизикии Академияи илмҳои ҷумҳурӣ иттилоъ доданд, маркази заминларза дар 260 километрии ҷанубу шарқи Душанбе, дар қаламрави Афғонистон воқеъ будааст.
Бино ба иттилои манбаъ, қувваи заминҷунбӣ дар марказаш 5 балл ва дар шаҳри Душанбе 3-4 баллро ташкил додааст.
Дар бораи харобиҳо ва осебҳои эҳтимолӣ бар асари ин заминҷунбӣ дар Тоҷикистон маълумот дода намешавад.
Се рӯз пеш 5 август, соати 00:04 дақиқа бо вақти Душанбе низ дар қаламрави Тоҷикистон заминларза ба қайд гирифта шуда, он дафъа ҳам маркази заминларза дар қаламрави кишвари ҳамсояи Афғонистон воқеъ буд. Он замон қувваи заминҷунбӣ дар марказаш 4 балл ва дар шаҳри Душанбе 2-3 баллро ташкил дод.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
