Дар бозии аввали мусобиқаи байнулмилалии «CFA Team China W.O Cup International Football Tournament Zhuhai 2019» дар Чжухай мунтахаби футболи олимпии Тоҷикистон (U-22) аз дастаи мизбон – Чин шикаст хӯрд.
Бино ба маълумоти Федератсияи футболи Тоҷикистон, вохӯрӣ бо ҳисоби 2 бар 1 ба фоидаи дастаи Чин анҷом пазируфта, тӯби ягонаро аз Тоҷикистон ҳамлагари тими “Истиқлол”, нишонзани беҳтарини чепионати Тоҷикистон Шериддин Бобоев ба ҳадаф расонидааст.
ИЗОБРАЖЕНИЕ
Гуфта мешавад, дар бозии дигари рӯзи аввали бозиҳо мунтахаби Сурия дастаи Малиро ба ҳисоби 1 бар 0 мағлуб кардааст.
Бозиҳои даври дуюм рӯзи чоршанбе, 11-уми декабр баргузор мешаванд. Дар ин рӯз мунтахаби олимпии Тоҷикистон бо тими Мали бозӣ мекунад. Вохӯрӣ дар варзишгоҳи «Чжухай Спорт Центр» доир гардида, соати 12:00 бо вақти Душанбе оғоз мегардад.
Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 45 45 фиристед.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
