Раиси шаҳри Душанбе Рустами Эмомалӣ ба Палатаи ҳисоби ҷумҳурӣ барои санҷиши фаъолияти молиявӣ-хоҷагидории шаҳрдории пойтахт дар соли 2020 дархост фиристод.
Бино ба иттилои дафтари матбуоти шаҳрдории Душанбе, дархост бо мақсади таъмини шаффофият ва самаранокии истифодаи мақсадноки маблағҳои буҷетии мақомоти иҷроияи ҳокимияти давлатии пойтахт ирсол шудааст.
Ин бори аввал нест, ки Рустами Эмомалӣ бо мақсади таъмини шаффофият ва самаранокии истифодаи ҳадафноки маблағҳои буҷет дар пойтахт ба мақомоти дахлдор дархост мефиристад.
Шурӯъ аз соли 2017, замони ба роҳбарӣ гирифтани шаҳрдории пойтахт ӯ ҳамасола моҳи январ ҷиҳати санҷиши фаъолияти молиявии шаҳрдорӣ ба сохторҳои марбута муроҷиат мекунад.
Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
