Дастаи футболи “Истиқлол”-и Душанбе дар вохӯрии даври 1/8-ниҳоии Лигаи қаҳрамонҳои AFC (Конфедератсияи футболи Осиё, КФО)-2021 аз тими “Персеполис”-и Эрон бо ҳисоби 0:1 шикаст хӯрд.
Нимаи аввали дидор бо ҳамлаҳои мутақобил сурат гирифта, аммо дастаҳо натавонистанд ҳисобро кушоянд.
Дар нимаи дуюми вохӯрӣ низ «Истиқлол» хуб дифоъ карда, имконоти голзанӣ фароҳам овард, аммо дар дақиқаи охирини вақти асосӣ ба бозигари меҳмонон Меҳди Туробӣ муяссар шуд, ки тӯбро ба дарвозаи соҳибони майдон ворид кунад, хабар медиҳад дафтари матбуоти "Истиқлол".
Ба ин тариқ, қаҳрамони Тоҷикистон дар мавсими аввали ҳунарнамоии худ дар даври гурӯҳии Лигаи қаҳрамонҳои КФО бори нахуст дар таърихи футболи ҷумҳурӣ ба натиҷаи шоиста ноил гардид.
ИЗОБРАЖЕНИЕ
Ин бозии даври 1/8-ниҳоии Лигаи қаҳрамонҳои AFC-2021 дар Варзишгоҳи марказии ҷумҳуриявӣ дар шаҳри Душанбе бо ҳузури ҳудуди 20 ҳазор нафар тамошобин баргузор шуд.
Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
