Душанбе. 30-юми март. ОИ «Азия-Плюс» – Рӯзи ҷумъаи ҳафтаи гузашта ғоратгари номаълуме корманди нуқтаи мубодилаи асъори воқеъ дар назди бозори марказии ноҳияи Абдураҳмони Ҷомиро латукӯб намуда, беш аз 13 ҳазор сомониро ба яғмо бурд. Баъдтар ба гумони даст доштан дар ин ҷиноят сокини ноҳияи Рӯдакӣ К.Д. боздошт шуд.
Чӣ тавре ки аз Вазорати умури дохилии ҷумҳурӣ ба ОИ «Азия-Плюс» хабар доданд, ғайр аз ин, шоми 27-уми март ба шӯъбаи милиса хабар расидааст, ки ғоратгарон ба нуқтаи мубодилаи асъор дар ноҳияи Ашт ҳамла намуда, вале дар хазина чизе дарёфт намекунанд ва аз ҷойи ҳодиса ғайб мезананд. «Феълан ҷусутуҷӯи онҳо идома дорад», – афзуд сарчашма.
