Кормандони Хадамоти гумруки Чин мардеро боздошт намуданд, ки мехост аз Гонконг ба қаламрави кишвар зиёда аз 100 мори зиндаро ворид кунад. Ӯ морҳоро дар халтаҳо дохили шимаш пинҳон кардааст. Дар ин бора нашрияи Cqnews бо истинод ба Сарраёсати гумруки Чин хабар медиҳад.
Аз ному насаби мард ном бурда нашуда, гуфта мешавад, дар постгоҳи назоратии Футян байни Гонконг ва шаҳри Шэнчжэн ӯ тариқи долони “сабз” гузаштааст. Дар ин долон эъломия кардани молу маҳсулоти бағоч талаб намешавад, лекин гумрукчиён онро аз назар гузаронидаанд.
Дар натиҷа дар шими мусофир шаш халта дарёфт шудааст, ки дар ҳар кадоме аз онҳо навъҳои гуногуни морҳо будаанд. Ба сурати умум, ӯ ният доштааст, ки 104 мори зинда, аз ҷумла навъҳои экзотикиро ворид намояд.
ИЗОБРАЖЕНИЕ
“Дар халтаҳо морҳои зиндаи навъу андоза ва рангҳои гуногун дарёфт шуданд”, – иттилоъ медиҳад Хадамоти гумруки Чин.
Гуфта мешавад, ки мард меъёри қонунҳо “Дар бораи амнияти биологии Чин” ва «Дар бораи назорати карантинии байторӣ ва фитосанитарӣ ҳангоми воридот ва содирот»-ро риоя накардаааст. Дар ин қонунҳо бе иҷозаи махсус ворид кардани намудҳои бегонаи ҳайвонот ба кишвар манъ шудааст.
