Дар нимсолаи аввали соли равон мистеҳсоли барқ дар неругоҳҳои барқи обии Тоҷикистон 7% кам шуд: аз 10,1 млрд киловатт-соат дар ҳамин давраи соли 2023 то 9,4 млрд киловатт-соат.
Тавре ки Агентии омори ҷумҳурӣ хабар медиҳад, истеҳсоли неруи барқ дар марказҳои барқу гармидиҳӣ баръакс, 46,1% зиёд шудааст: аз 631,2 млн киловатт-соат дар моҳҳои январ-июни соли гузашта то 921,1 млн киловатт-соат дар ҳамин давраи соли равон.
Ҳамчунин итеҳсоли барқ дар неругоҳҳои офтобӣ 4,2 баробар афзудааст: аз 200 ҳазор то 800 ҳазор киловатт-соат.
Ба ин тариқ, дар нисолаи аввали соли ҷорӣ ҳаҷми умумии истеҳсоли барқ дар ҷумҳурӣ ҳудуди 10,4 млрд киловатт-соатро ташкил додааст, ки 3,7% камтар нисбат ба нишондиҳандаи ҳамин давраи соли 2023 мебошад.
Ҳиссаи неруи барқи обӣ дар ҳаҷми умумии истеҳсол аз 93,5% дар зарфи 6 моҳи соли 2023 то 90,4% дар ҳамин давраи соли 2024 коҳиш ёфтааст.
Дар ҳамин ҳол, дар зарфи 6 моҳи имсол ба кишварҳои ҳамсоя ба маблағи 34,8 млрд доллар неруи барқ интиқол дода шудааст. Ин нишондиҳанда нисбат ба ҳамин давраи соли гузашта 8,6 млн доллар ё худ 19,9% камтар аст.
