Мақомоти Тоҷикистон се шаҳрванди Покистонро бо гумони қаллобӣ боздошт кардаанд. Гуфта мешавад, онҳо шаҳрвандони Тоҷикистонро фиреб дода, ду килограм сиккаи қалбакиро ҳамчун сиккаҳи тиллоӣ гуфта, дар умум бо маблағи 34 ҳазор доллар ба фурӯш гузоштаанд.
Раёсати Вазорати корҳои дохилӣ дар пойтахт аз онҳо Абдуллоҳ Муҳаммад, Исмаил Муҳаммад ва Ясин Муҳаммад ном бурда, гуфтааст, ки “барои содир намудани ҷинояти қаллобӣ ва бе расмиёти гумрукӣ ба хориҷи кишвар интиқол додани асъори долари амрикоӣ дастгир карда шуданд”.
Мақомоти гуфтаанд, ки шаҳрвандони Покистон мехостаанд маблағи бадастомадаро ба хориҷи кишвар интиқол диҳанд, вале онҳо дар сарҳад дастгир шудаанд.
Айни ҳол бар зидди боздоштшудаҳо бо иттиҳоми қаллобӣ (моддаи 247 КҶ), кочоқи мол аз сарҳад (моддаи 289 КҶ) ва тайёрӣ ба ҷиноят (моддаи 32 қисми 3 КҶ) парванда боз кардаанд.
Бар асоси ин бандҳои қонун, вобаста ба бандубасти он, ҷарима ё то 10 соли зиндон мушаххас шудааст.
Назари худи боздоштшудаҳо маълум нест.
